RENEA kap vrasësin e efektivit të FNSH

Pas tre orë e gjysmë luftë me David Qosen, forcat e RENEA-s kanë mundur ta arrestojnë. Bëhet fjalë për vrasësin e efektivit të FNSH-së në Torovicë të Lezhës.

Fillimisht është marrë njoftim se në Torovicë, Qosja po qëllonte me armë zjarri automatik, në ajër. Menjëherë në vendngjarje kanë shkuar shërbimet policore të Drejtorisë Vendore Lezhë dhe FNSH-së, për menaxhimin e situatës.

30-vjeçari njihet në zonë si person me probleme mendore, por nuk ka asgjë të vërtetuar me dokumente nga Spitali.

Pas ndërhyrjes së policisë, ai ka drejtuar armën edhe ndaj tyre. Plumbat kanë goditur efektivin Ardian Kodra, 50 vjeç, me banim në Shkodër. Ky i fundit humbi jetën rrugës për në spital.