Pranverë bardhezi, propozimi i fundit i stilistëve

Moda i kthehet thjeshtësisë së të bardhës dhe të zezës. Ashtu si në një fjalëkryq, e bardha dhe e zeza formojnë një rebus mbi copat dhe lëkurat që do të përdoren në këtë sezon. E bardha dhe e zeza të kombinuara bashkë pushtojnë pasarelat, ndërsa parashikohet të mbushin gardërobat e këtij sezoni pranveror. E shohim që nga minifundet e propozuara nga Michael Kors e Moschino, por edhe në veshjet e mbrëmjes të Marc Jacobs. Kuadratet bardhezi të ngjashme me atë të kutive të shahut mbulojnë fustanet e gjata, ndërsa kjo tendencë nuk përjashton as aksesorët.