VETMIA – OPERË PËR DY GROSHË

 

 

Mustafa SPAHIU, Shkup

 

 

– Lirikut prestigjioz Rrahman DEDAJ,   (1939 – 2005)

 

1.

(Vuajtja – Werther riosh)

 

Shtatë persona ndjekin poetin

urnës udhëtimeve të Guliverit

 

jo për adhurim për ta mposhtur

dëshpërimisht ta përunjin tevona

e fusin brenda shtëpisë së sëmurë

 

mbahen seanca linçimesh të marra

të vetëhelmohet shkallmuar uritur

anonim të dukej peshkatar rënishtes

 

ngujonie si zog të këngës në kafaz

i daltë shpirti vrimave lëkurëregjur.

 

2.

 

(Natyra – kënaqësi bletësh)

 

Sall rrënjë të jem thithi nga natyra

sekrete bjeshkësh këngët e zabeleve

 

 

Ajme, drerët s’mi mësuan shtigjet

dhe zbresim përrenjve qetë xunkthi

gëzim’e vrerë hahen me buk’e kripë

 

 

fattreturit ogurbardhë rrjedh jeta

moskëndimi pafatësi është mallkim

në turr drite futem e dalë rishtas

 

ata-të shtatët banojnë prapa meje

në shtëpinë e zallinës së përgjumur.

 

3.

(Vetmia – as dru, as dashuri)

 

Telat e kitarës zhdarravisin ditët

me plithar  ngrita qiellit kështjella

 

hajnat e pjeshkëve i ngjok merimanga

këngët e virgjëritetit vargjet n’ëndërr

vetmia ime blerohet nga amforat, se –

 

duhet sërisht të vëshrojmë përreth

njeriun e padukshëm tokës së bukës

as moravaset s’zhduken tok me erën

 

më në jug se parajsa pylli i pashkelur

gjendet shtëpia ndërtuar prej agimi.

 

 

4.

 

Ata që i duan hithërat janë qeleposhët

mbase ndehnin duart purpur diellit

 

gishtit në plagë i mungojnë unazat

ta zbërthejnë trishtimin e ëndrrës

në oborrin e mallkuar kishte ngordhur

 

dikur zvarritej Kronikës së Travnikut

deshti sforcimin e kështjellës eshtrash

e ndali në vend Kthimi Filip Latinit…

 

nëna kurajë me kalamajtë vocërrakë

vonë kuptuan mortin në Herceg-Novi!

 

 

5.

(Dera e barkut – lindjesimi)

 

Stinë mëshire nuk binin kambanat

shpirtërat iknin nga vetmia e qelbur!!!

 

Vjershat e fundit të Rrahman Dedajt

ju lutem shpjegim mos më kërkoni

për “Fatkësinë e urtisë” “Baladën e

 

fshehur” drejtgjykim “Zoti thotē 

ndryshe Adam”, gjërat s’preken me etje

sepse “Jeta gabon” me sy kënge, koha

në unazë”

 

dreqi çalaman nuk plaket në kryqëzim hijesh

fjalët biblike i dilnin stërmençurisht…

 

 

E shtunë, 28 fundshkurti 2020, në Dardaninë Ilire.