Doli numri 14 i revistës kulturore e shkencore “Albanica”

Doli numri 14 i revistës kulturore e shkencore “Albanica”. Këtë herë në faqet e kësaj reviste lëçitësit rumunë do të gjejnë autorë të rëndësishëm të letërsisë botërore si GUILLAUME APOLLINAIRE, ISMAIL KADARE, por dhe studiues dhe albanologë të shquar si GRIGORE BRANCUȘ, EMILIA COMIȘEL, fragment nga romani”Skëndërbeu” të SABRI GODOS, medialioni poetik i numrit i kushtohet poetit të mirënjohur ILIRIAN ZHUPA, studime historike për historinë e vjetër shqiptare nga LIVIU LUNGU, studimin për Fan Nolin dhe rolin e tij në autoqefalinë e kishës ortodokse shqiptare e sjell për këtë numër RADU-COSMIN SAVULESCU, studimi ti letërsisë së krahasuar kushtuar poezisë së Asdrenit, me rastin e 150-vjetorin e lindjes, është shkruar nga LUAN TOPCIU, për veprimtarinë dhe shkrimet në gjuhën rumune të Mitrush Kutelit shkruan studiuesi MARIUS CHELARU, ADRIAN LESENCIUC shkruan mbi veprën “Historia e letërsisë shqipe nga zanafilla dhe deri në ditët e sotme të Luan Topciu-t, OCTAVIAN SOVIANY sjell një studim mbi poezinë e poetit me origjinë shqiptare Cezar Ivanescu, CONSTANTIN MOHANU një studim për dramaturgjinë e Victor Eftimiu-t dhe CORNEL NICULAE një artikull mbi romanin “Vajzat e gjeneralit” të shkrimtares Mimoza Hysa.

Përmbajtja e numrit 14:
Kryeartikull
LUAN TOPCIU
Albanologu Grigore Brâncuș u nda nga jeta

Albedo
LIVIU LUNGU: Skica rikujtimi:një faqe dhe më shumë histori shqiptare (VII)
MARIUS CHELARU: Faqe për një shkrimtar të rëndësishëm shqiptar, Mitrush Kuteli, dhe aktiviteti i tij në Rumani

Aleph
GRIGORE BRÂNCUȘ: Shënime mbi prapavendosjen e nyjës shquese
RADU CRĂCIUN: Origjina e gjuhës shqipe e pasqyruar në gjurmët e gjuhës ilire dhe trake

AbInitio
RADU-COSMIN SĂVULESCU, Fan Noli dhe autoqefalia e Kishës Ortodokse Shqiptare
EDITH DURHAM: Shqipëria e Epërme: vendi i së shkuarës së gjallë dhe ligji i saj
Përktheu nga anglishtja në rumanisht: RADU COSMIN SĂVULESCU
EMILIA COMIŞEL: Një studim mbi folklorin në Republikën e Shqipërisë

E zezë mbi të bardhë
Medaljon
ILIRIAN ZHUPA: Poezi
Prezantimi dhe përktheu nga shqipja në rumanisht: LUAN TOPCIU
ISMAIL KADARE: Arti si mëkat. Mbi pikturën e Omer Kaleshit
Përktheu nga shqipja në rumanisht: LUAN TOPCIU
SABRI GODO: Gjoni (fragment nga romani „Skëndërbeu”),
Përktheu: MIHAL MAGIARI

GUILLAUME APOLLINAIRE: Shqiptari
Përktheu nga frëngjishtja në rumanisht: LUAN TOPCIU

Fahrenheit 98
ADRIAN LESENCIUC: Takime rumuno-shqiptare ,
OCTAVIAN SOVIANY: Despre Poezia lui Cezar Ivănescu
LUAN TOPCIU: Asdreni në kontekstin letërsisë shqipe të shkruar në Rumani
CONSTANTIN MOHANU, Dramaturgjia në veprën e Viktor Eftimiut (II)
CORNEL NICULAE: Hija e gjeneralit (mbi romanin „Vajzat e gjeneralit” të shkrimtares Mimoza Hysa).
Numri është ilustruar nga piktorët: Rexhep Ferri, Omer Kaleshi, Aurel Acasandrei dhe Gentian Zeka.