Katjusha Pogaçi: BËHU E THJESHTË SI NJË SHTËPI PLAZHI

Bëhu e thjeshtë si një shtëpi plazhi

Me shapkat mbushur rërë e guaska,

Nën krakuritjen e çuditshme të pulëbardhave

Dhe fajancën e bardhë baltore të pjatave.

Bëhu e mirë si një shtëpi plazhi

Ngarkuar me pritje, me diell e det

Në sy shkruaj heshtjen prej zalli,

Si dita e fundit plazhistët përcjell.

Bëhu e bardhë si një shtëpi plazhi

Si velë jahti që era e tund,

Mbi detin Tirren ku rrymat përplasen

Me blunë e thellë vertikal pafund.

Sardenjë, E hënë, 22 korrik 2013.