Odise Kote: Gjysmën e poezive…

 

Gjysmën e poezive i shkruaj

për t’i lënë në sirtar,

pasi nuk shërbejnë as si këpucë

që ngasja djegëse e udhëtarit

m’i jep hua.

 

Shpirti paska nevojë të zbrazet,

të ribëhet gati tė vuaj.

 

Të niset si rishtar nga e para,

t’i afrohet tigrit të egërsuar

jo me shkop tē shkurtër,

por me fjalën sy – njeriu,

shqisën e duhur kērkim – zbulim.

 

E dini që syri i njeriut u formua

pas një evolucioni të gjatë

biologjik?

 

Gjysmën e poezive i shkruaj…