Përfaqësuesit e Ambasadës Amerikane dhe American Councils mirëpriten në Kolegjin AAB

Sot në Kolegjin AAB janë mirëpritur në takim përfaqësueset e Ambasadës Amerikane dhe American Councils, Remzie Potoku, Nora Nimani-Musa dhe Gresa Koca nga zv.rektori, Shemsedin Vehapi, prorektorja Venera Llunji, dekani Jusuf Qarkaxhiu dhe profesoresha Florijeta Hulaj.

Qëllimi i takimit ishte ndarja e mendimeve dhe vlerësimi i gjithë aktivitetit dhe ligjëratave të prof. dr. Maurice Dawson Jr, i cili po qëndron në Fakultetin e Shkencave Kompjuterike të Kolegjit AAB, si pjesë e shkëmbimit të stafit ndërkombëtar përmes projektit Fulbright Specialist. z.Dawson bëri një raport të përmbledhur të angazhimit të tij në Kolegjin AAB, përderisa përfaqësueset e Ambasadës Amerikane e njoftuan me të gjitha mundësitë lidhur me vazhdimin e bashkëpunimit institucional mes Kosovës dhe SHBA, si dhe rreth projekteve shumë të rëndësishme të cilat janë në dispozicion si për personelin akademik ashtu edhe për studentët e të dy palëve.

Poashtu u fol edhe për mundësitë e angazhimit të ekspertëve në periudha të ndryshme kohore në fushën e programeve të sigurisë kibernetike, inteligjencës artificiale dhe data analizës, pastaj përpilimit të programeve të ndryshme në këto fusha dhe përgatitjes së studentëve për mundësi në tregun global të punës.

Përfaqësuesit e Ambasadës Amerikane dhe American Councils mirëpriten në Kolegjin AAB