Marco Rubio nderon kujtimin e Nënë Terezës
Sekretari Amerikan i Shtetit, Marco Rubio, ka nderuar kujtimin e Nënë Terezës, bamirëses shqiptare, me homazhe gjatë një vizite në qendrën “Misionaret e Bamirësisë”.
Përmes një postimi në rrjetet sociale, Rubio ndau foto dhe vlerësoi figurën dhe trashëgiminë e Nënë Terezës.
Ai vuri në dukje ndikimin e saj të jashtëzakonshëm në ndihmë të njerëzve në nevojë dhe në përhapjen e mesazhit të dhembshurisë në mbarë botën.
“Nënë Tereza la një trashëgimi të jashtëzakonshme dhembshurie dhe shërbimi. Pata nderin të vizitoja sot Misionaret e Bamirësisë për t’i bërë homazh trashëgimisë së saj dhe për të parë shembullin e gjallë të besimit katolik në veprim”, shkroi Rubio në një status në rrjetin social “Instagram”, ndërsa ndau edhe fotot duke vendosur edhe buqeta me lule.
