Libertad Ventures, fondi teknologjik i Mossad investon në startupet izraelite

Fondi i inovacionit teknologjik i themeluar nga Mossad, Libertad Ventures, ka përfunduar raundin e parë të financimit në kompanitë e startup izraelite. Libertad nuk i zbuloi emrat e kompanive në portofolin e tij. Lajmi jepet nga portali ekonomik izraelit, Calalistech.com.

Libertad u krijua në 2017 me qëllim të rritjes së bazës së njohurive të agjencisë së inteligjencës izraelite dhe nxitjen e bashkëpunimit me skenën vibruese të Izraelit. Mossad modeloi fondin e saj pas In-Q-Tel të CIA-s, një firmë amerikane të kapitaleve që investon në kompani të teknologjisë me qëllim të mbajtjes së agjencive të zbulimit të SHBA të pajisura me teknologji inovative.

Në thirrjen e parë për propozime, botuar qershorin e kaluar, fondi Libertad u fokusua në pesë fusha: robotikë, energji, enkriptim, inteligjencë në internet dhe përpunim të gjuhës natyrale dhe analizë të tekstit. Në atë kohë, u tha se fondi do të ofrojë NIS 10 milion shekel(2.9 milion dollarë) në vit për pesë kompani. Çdo startup është i pranueshëm për deri në NIS 2 milion (580,000 dollarë), megjithëse mund të bëhen përjashtime. Libertad nuk merr kapitale në këmbim të financimit të tij.

Shefi i Mossadit, Yossi Cohen, tha në një deklaratë se Izraeli ofron teknologji novatore që do të zgjerojnë aftësitë e Mossadit dhe do ta pozicionojë atë në një vend më të mirë kur bëhet fjalë për përballjen me sfidat e ardhshme. “Partneriteti i Mosadit me kompanitë civile është i shkëlqyeshëm, – shtoi ai, – dhe agjencia do të vazhdojë ta forcojë atë”.

Shefi i Mossadit, Yossi Cohen

Mossad është emri i shkurtuar i “HaMossad leModi’in uleTafkidim Meyuhadim” (Instituti i Intelegjencës dhe Operacioneve Speciale). Ai është agjencia e shërbimit kombëtar inteligjent të Izraelit. Është një nga njësitë inteligjentë që veprojnë në Izrael, përkrah Aman (Shërbimi Inteligjent Ushtarak) dhe Shin Bet (Shërbimi për Sigurinë e Brendshme. Mossad është themeluar, më 13 dhjetor 1949.

Startupet e zgjedhura nga Libertad do të zhvillojnë projektet e tyre gjatë 2018-2019. Mossad do të marrë një licencë për të përdorur pronën intelektuale të zhvilluar, por marrëveshja është jo-ekskluzive. Mossad nuk do të mbajë asnjë të drejtë për pronën intelektuale të zhvilluar pas përfundimit të projektit.

Libertad ka ndërmend të shpallë zhvillime të mëtejshme në muajt e ardhshëm dhe gjithashtu të publikojë një thirrje të dytë për propozime./Izraeli Sot/