Nga batutat e filmave – te “What the fuck”, protesta përmes fotove

Qindra studentë nga i gjithë vendi janë derdhur në Tiranë dhe kanë protestuar në përmbushje të kërkesave të tyre. Në ditën e tretë të protestës janë mbledhur më shumë protestues. Ndërkohë që pankartat e tyre, përveç kërkesave që shfaqnin, kanë pasur edhe ironi e sarkazëm ndaj autoriteteve shtetërore, ministres Nikolla dhe kryeministrit Rama.

Pankartat më pikante:

1. “Me sa organe mbijetohet? Se një veshkë shitet”.
2. “Duam libra, jo google translate”.
3. “Gjinos iu poqën fiqtë, po i shiti që të paguante tarifën”.
4. “Na mbro o Edi Efendi, sic na mbron shtëpitë”.
5. “Bachelor+Master=5 vite. Unë 2 veshka kam”.
6. “Mbrëmë fjeta tek konviketet 3D të Inxhinierisë”.
7. “U munduan të na varrosnin por nuk e dinin që ne ishim Fara”.
8. “Jam student universiteti dhe jo trafikant shteti”.
9. “Inati që ka Rama me studentët, është se kur do të diplomohen, shumica do kenë më shumë shkollë se ai”.
10. “Prindërit janë borxh për tarifat tona”.
11. “Just beacuse we read a lot, doesn’t mean the goverment can fuck with us”.
12. “Nëse ne quhemi ngelësa, atëherë sistemi jua është “what the fuck”.