Punë dhe udhëtim në SHBA, Ambasada Amerikane ofron një mundësi të shkëlqyer për studentët

Ambasada Amerikane në Tiranë ka nxjerrë një njoftim të ri, për të gjithë studentët që duan të shkojnë në SHBA, për të punuar dhe udhëtuar. Bëhet fjalë për Programin Veror të Punësimit dhe Udhëtimit, ku ju mund të aplikoni për të udhëtuar drejt SHBA-ve. “Programi Veror i Punësimit dhe Udhëtimit është një program i mrekullueshëm për studentët e universiteteve të cilët dëshirojnë të kalojnë një verë duke punuar dhe udhëtuar përreth Shteteve të Bashkuara. A keni menduar të aplikoni për një program shkëmbimi kulturor? Më thoni ju lutem nëse keni pyetje rreth Programit Veror të Punësimit dhe Udhëtimit apo pyetje rreth kategorive të tjera të vizave!#PyetAnen”, shkruan Ambasada.