Të rinjtë, protestë para parlamentit për reformën

Me thirrjet “Rinia do drejtësi” apo “Mos kini frikë të votoni reformën”, dhjetëra të rinj kanë protestuar këtë të enjte në nisje të seancës parlamentare.

Me pankarta në duar e me kërkesa drejtuar deputetëve, të rinjtë i kanë bërë thirrje politikës që të miratojë reformën në drejtësi, për të siguruar të ardhmen e tyre në Bashkimin Europian.

Përpara të rinjve kanë qëndruar disa forca të policisë, për të shmangur incidentet në kohën kur deputetët e ministrat i drejtoheshin sallës së Kuvendit.

Protesta e tyre është mbyllur pa incidente dhe me kërkesën që zëri i të rinjve të dëgjohet.