10-vjeçarja, vajza më e bukur në botë

Një 10-vjeçare modele, e cila ka ngjallur mjaft diskutime, nëse është ajo vajza më e bukur në botë ka nënshkruar një kontratë të re me një kompani modelimi në Shtetet e Bashkuara të Amerikës.

Vajza e lindur në Rusi Kristina Pimenova ka lëvizur nga Moska në Los Angeles për të nënshkruar me agjencinë prestigjioze të botës “LA Models”.

Mirëpo, fotot e modeles së vogël kanë hapur debate në internet dhe jo vetëm, pasi nëna e saj publikoi foto “provokuese” të së bijës në mediat sociale. Vajza ka nënshkruar kontrata më herët edhe me Roberto Cavalli, Dolce & Gabbana, Armani.

Kristina ka modeluar që në moshën 3-vjeçare dhe sot ajo numëron më shumë se dy milion ndjekës në Facebook dhe mbi një milion në Instagram. Llogaritë e saj menaxhohen nga e ëma Glikeriya Pimenova.