Gjendet anija ruse me 700 tonë ar

Anija ruse ‘Amurskaya’ me 700 ton ar, e cila ishte zhdukur një muaj më parë pasi u mbyt në afërsi të Okhotsk në ujërat e Paqësorit është gjetur nga zhytësit. Anija u zbulua në një thellësi prej 75 metrash, raporton agjencia e lajmeve ‘ITAR-Tass’. Ndërkaq, nuk dihet ende asgjë për fatin e 11 pjesëtarëve të ekuipazhit të cilët humbën bashkë me anijen në afërsi të arkipelagut të ishujve Shantarsk gjatë një stuhie.