Aktorja e bukur, Jennifer Lawrence, është përzgjedhur përsëri si femra më e dëshiruar në botë sipas anketës së organizuar nga ueb-faqet amerikane. Edhe pse që nga fillimi i karrierës vazhdimisht ka qenë në goditje të kritikëve për shkak të formave të saj trupore dhe rreth disa kilogramëve të tepërt, që janë standardet rigoroze të Hollywood-it, Jennifer Lawrence, duket se po i pëlqen popullatës së meshkujve dhe atë aq shumë saqë vizitorët e këtyre ueb-faqeve e kanë vendosur në krye të top-listës së 100 femrave më të dëshiruara.

“Format e saj paksa më të plota trupore, janë ato që preferohen më shumë nga meshkujt dhe jo format thatanike. Dhe pikërisht Jennifer Lawrence ka forma të tilla të dëshirueshme, prandaj në anketë ka marrë më së shumti vota”, thuhet në komunikatën e ueb-faqeve. Në pozitën e dytë të kësaj liste, gjendet supermodelja amerikane dhe njëra nga engjëllushet e “Victoria’s Secret”, Kate Upton, e cila gjithashtu dallohet për trupin e saj jashtëzakonisht seksi dhe paksa të plotë. Për befasinë e shumicës, pozitën e tretë në këtë listë e ka zënë këngëtarja e mirënjohur nga Barbadosi, Rihanna./ZERI/