Pranimi i Kosovës në FIFA nuk është pritur mirë nga mediat serbe që janë parë shumë të nervozuara në titujt që kanë përcjell për këtë lajm.

“TURP – Edhe FIFA e pranon Kosovën!”, fillon gazeta serbe “Blic” artikullin për pranimin e Kosovës në FIFA.
Ata përmendin gjithashtu se Gjilbratari ka pritur dy vjet nga pranimi në UEFA deri në pranimin në FIFA, transmeton Koha.net.

Kurse, tabloidi “Kurir” artikullin e ka titulluar “SKADAL i ri: Edhe FIFA, pas UEFA-s, pranon Kosovën!”, kurse “Novosti.rs” ka qenë më e rezervuar në cilësim të pranimit të Kosovës në FIFA, duke e titulluar artikullin vetëm “FIFA pranon Kosovën!”.

Në të njëjtën linjë qëndron edhe “B92” dhe “Danas”, e cila doli me titullin “Kosova pranohet edhe në FIFA”, bashkë me “N1” e cila vjen me titullin “FIFA pranoi Kosovën si anëtare e plotë”.`