Djali i atdhetarit të zhdukur prej 17 vjetësh, Andin Hoti, kërkon që çështja e pazgjidhur e babait të tij të futet në axhendën zyrtare të bisedimeve me Serbinë.

Duke kujtuar babain e tij në ditën kur para 17 vitesh u pa për herë të fundit, Andin Hoti ka shkruar në Facebook se asnjëherë nuk do të rreshtin së kërkuari për fatin e babait të tij.

Postimi i Andin Hotit:

17 vite në kërkim për ty!

Ndoshta dikush edhe pret që ne t’i humbim shpresat, por jo, asnjëherë!

Deri në zbardhjen e fatit tënd, nuk do të rreshtim së kërkuari dhe për ne do të jesh i gjallë gjithmonë!

Sepse liria nuk është e plotë, sepse Republika, për të cilën dhe gjithçka është e mangët pa zgjidhjen e fatit tënd!

Institucionet në Kosovë dhe Shqipëri duhet ta ndjejnë së paku si obligim moral zgjidhjen e misterit për fatit tënd!

Është koha e fundit kur Kosova duhet të ngris zërin në kërkim tëndin.

E ripërsëris, kërkojmë që çështja e pazgjidhur e Ukshin Hotit të futet në agjendë ZYRTARE gjatë bisedimeve me Serbinë dhe të trajtohet me seriozitet të plotë. “

Ukshin Hoti ishte profesor,shkrimtar, filozof, intelektual, atdhetar dhe veprimtar i shquar i çështjes kombëtare ne Kosovë gjatë viteve ’80 – ’90, një ndër intelektualet me te arsimuar ne Kosovë dhe ligjerues ne disa universitete në SHBA ku kishte studiuar dhe diplomuar.

Ukshin Hoti ishte arrestuar disa herë aktivitetin e tij atdhetar në Kosovë nga regjimi serb por së fundi herë arrestohet në vitin 1994 nga policia serbe me akuzën e ushtrimit të aktiviteve armiqësore kundra Jugollavisë dhe për pjesëmarrjën e tij në levizjet për Republikën e Kosovës dhe më pas denohet 5 vjet burg.

Më 16 maj te vitit 1999 pas lirimit të tij nga burgu dhe pas daljes se tij nga qelia e burgut, zhduket nga polica serbe pa lenë gjurmë dhe nga ajo datë nuk dihet asgjë për të.

Njerëzit qe e kanë parë të gjallë kanë qenë vetëm shokët e burgut dhe të burgosurit e tjerë të cilët treguan se Ukshini ishte liruar nga burgu ditën e diel, një ditë jo e zakonshme per lirimin e te burgosurve.