Presidenti rus, Vladimir Putin u prit sot nga homologu i tij grek, Prokopis Pavlopoulos në pallatin presidencial, menjëherë pas mbërritjes së tij në Greqi, i cili vjen në kuadër të një vizite zyrtare ku do të zhvillojë një seri takimesh gjatë qëndrimit të tij dy ditor.

“Vizita juaj në Greqi vjen në një moment të rëndësishëm, jo vetëm për rajonin por për të gjithë Evropën”, tha Pavlopoulos kur u takua me presidentin rus. “Bashkëpunimi i ngushtë mes Rusisë, SHBA-së dhe BE-së për t’i dhënë fund luftës në Siri është jashtëzakonisht shumë i rëndësishëm në këto momente”, theksoi presidenti grek. “Është koha që të kryejmë hapa specifikë për të shfrytëzuar mundësitë që ekzistojnë për përforcimin e marrëdhënieve dypalëshe”, deklaroi Putini nga ana e tij duke theksuar një rritje të konsiderueshme të turistëve rusë në Greqi.