Facebook vjen me një risi të re, e cila ka të bëjë me faqen e saj kryesore. Sipas këtij ndryshimi, që po përdoret për herë të parë në kontinentin australian, përdoruesit mund të shikojnë të gjitha lajmet të përqendruara në një temë të veçantë.

Kështu Facebook’u i ri do të ndajë temat që ju shkruani dhe shpërndani me të gjithë, në varësi të asaj çfarë shkruani.

Pra, nëse ju do të shkruani një publikim që ka të bëjë për shembull me kafshët, Facebook’u automatikisht do t’ju mbushë me informacione për kafshët, të drejtat e kafshëve dhe gjithçka që ka lidhje me to.

Ende nuk dihet arsyet e këtyre ndryshimeve, sipas “Indipendent.Uk”, kjo do të jetë një mënyrë për të gjetur më shumë histori dhe për të mbajtur shkrimet tuaja në kolonën “News feed”.

Faqja e kryesore e Facebook, ose “Home page” ka filluar nga testimet që në vitin e kaluar, duke ju nënshtruar platformave të ndryshme në vende të ndryshme.