Albspirit

Media/News/Publishing

Gjyqtarja e Durrësit me 5 lokale/ E hetuar për pastrimin e 1 milionë dollarëve

Gjyqtarja e Durrësit me 5 lokale/ E hetuar për pastrimin e 1 milionë dollarëve
Gjyqtarja e Durrësit Shpëtime Pitaku rezulton një ndër më të pasurat e sistemit të drejtësisë. Sipas deklaratës së saj të pasurisë për vitin 2015, gjyqtarja thotë se ka 5 lokale, të cilët i kanë sjellë të ardhura të konsiderueshme. Nga qiratë e pesë lokaleve ka marrë shumat 9 600 euro, 360 000 lekë, 1 200 euro, 1 200 euro dhe 1 800 euro. Pitaku deklaron edhe një sipërfaqe trualli 650 m2 dhe sipërfaqe ndërtimi 442 m2, në bashkëpronësi.

Nga veprimtaria si gjyqtare, zonja deklaron 1 426 425 lekë, të ardhura nga puna e bashkëshortit si mjek stomatolog privat 1 609 327 lekë, gjendje nga paga, 173 802 lekë, qira të klinikës dentare 120 000 lekë.

Zonja Pitaku pohon se ka marrë edhe një kredi në shumën 60 mijë euro, për blerjen e një shtëpie me sipërfaqe 135 m2 dhe një  tjetër kredi për blerjen e një makine Audi A3.

“Shqiptarja” shkruan se gjyqtarja Pitaku ka qenë subjekt hetimi nga Inspektorati i Lartë i Deklarimit dhe Kontrollit të Pasurive. ILDKP ka dyshuar se zonja në fjalë ka pastruar rreth 1 milion USD.

Please follow and like us: