Armenia e ka mirëpritur aprovimin e një rezolute simbolike nga Dhoma e Ulët e Bundestagut gjerman, e cila i shpall si gjenocid vrasjet e armenëve nga forcat osmane të Turqisë në vitin 1915.

“Përderisa Gjermania dhe Austria, si ishin aleate të Perandorisë Osmane, sot po e pranojnë pjesën e tyre të përgjegjësisë në gjenocidin armen, autoritetet turke po vazhdojnë me kokëfortësi që ta mohojnë faktin e pamohueshëm të gjenocidit të kryer nga Perandoria Osmane,” kështu ka thënë ministri armen i Jashtëm, Edward Nalbandian në një komunikatë.