Moti i keq ka ‘pushtuar’ Italinë Veriore, duke shkaktuar edhe një viktimë, e cila është me origjinë shqiptare. Bëhet fjalë për një 57-vjeçare, identiteti i së cilës nuk bëhet i ditur, shkruajnë mediat italiane.

Ajo humbi jetën pasditen e sotme në spital, pasi u plagos nga rënia e një peme gjatë natës.

Shqiptarja, ishte duke hipur në makinë, kur mbi të ra pema. Gjatë natës, Mantova u godit nga një stuhi.

Moti i keq ka sjellë edhe disa të plagosur, si dhe dëme të shumta materiale.