Pasi kuptuan se po përgjoheshin nga policia për 50 mijë eurot që morën ryshfet, çifti Odhise dhe Majlinda Andrea menduan një alibi për në gjykatë. Anëtarja e Gjykatës së Lartë mendoi se noterizimi i marrjes së parave nga bashkëshorti i saj, do ta legjitimonte veprimin, duke shmangur më pas akuzat. Për këtë arsye, disa ditë pasi shkëmbyen paratë, Odhise Andrea dhe Ilia Çabiri, sekseri i familjes së ish pronarëve u paraqitën tek noteri. Aty nënshkruan aktin noterial, sipas të cilit Andrea i kishte marrë borxh 50 mijë eurot.

Marrëveshja mes të dyve u paraqit në gjykatë nga avokati i bashkëshortit të gjytqares, Odhise Andreas. Pikërisht ky akt noterial, sipas prokurorit është prova më e fortë, që dëshmon korruptimin e gjyqtares, të filmuar nga forcat Operacionale të policisë.

Tashmë prokuroia kërkon sekuestrimin e pasurisë së gjyqtares Majlinda Andrea dhe familjarëve të saj të afërt. Ajo dyshohet se mori 50 mijë euro ryshfet për vendimin gjyqësor, që ktheu pronën 40 hektarë tek ish pronarët.