Në Teatrin Kombëtar, më 12 nëntor do të prezantohet artistja franceze Laurette de Paname, me një shfaqje kabare, shkruan KultPlus.

Ky one-woman-show, një spektakël variete me humor të spikatur, është një shpërthim dhe një energji gjithëpërfshirëse, ku vijnë së bashku kënga, kërcimi, aktrimi me ndërrimin e kostumeve në skenë dhe me një ndërveprim të vërtetë me publikun.

Një ndër veçoritë e këtij spektakli janë kostumet origjinale të Moulin-Rouge. Ky spektakël kabare është mundësuar nga Aleanca Franceze në Tiranë, Ambasada e Francës në Shqipëri me mbështetjen e Fondacionit të Aleancave Franceze, Paris.

[youtube https://www.youtube.com/watch?v=WVerg-b90Bc]