Takimi i presidentit aktual me pasardhësin e tij natyrisht ka zënë shumë nga faqet e para të shtypit botëror. Por sipas Huffington Post faqen e parë me te spikarur e ka pasur gazeta The Times e cila vuri me gërma të mëdha titullin: “Meet the Apprentice” (Shikojeni nxënësin).
Në fakt ky titull ka dy kuptime i parl lidhet me mungesën e madhe te ekspertizës që Trump ka për të udhëhequr SHBA. Dhe tjetra lidhet me emisionin televiziv që e bëri të njohur manjatin e ndërtimit, i cili quhej “The Apprentice”. Në atë emision telerealiteti që e drejtonte vetë,Trump zgjidhte një nga konkurentët që e ounësonte në kompaninë e tij. Vetëm pas këtij emisioni të filluar në vitin 2004 në NBC ai u bë publikisht i njohur.