Me ndarjen e këtij çmimi është vlerësuar se Adrian Paci është një artist shumëdimensional, i cili në veprat e tij përdor teknika dhe materiale të ndryshme.

Po ashtu, në përshkrimin e figurës së Pacit janë përmendur edhe pjesëmarrjet e tij artistike në shumë ekspozita të rëndësishme botërore, duke përfshirë edhe Bienalen e Venecias.

Çmimi “Art for Peace Award” ndahet për artistët që shkëlqejnë në përhapjen e mesazheve të paqes dhe këtë çmim, deri më tashti e kanë marrë shumë artistë të njohur.