Era Istrefi mungon në eventin e rëndësishëm

Për shkak të problemeve me këmbën, Era Istrefi nuk mundi të ishte e pranishme për të tërhequr çmimin në European Border Breakers Award.

Në ceremoninë e organizuar me këtë rast mbrëmjen e djeshme, në edicionin e 14-të të çmimeve EBBA, në vend të artistes çmimin e ka tërhequr David Bradley, njëri prej producentëve të kompanisë “Ultra dhe Sony Music”, me të cilën Era ka nisur bashkëpunimin prej disa muajsh. Në pankartën e çmimit të akorduar për artisten, i urohet shërim të shpejtë.