Ligji për Amnistinë liroi dje 731 të burgosur, për vepra të ndryshme penale. Por ajo që tërhoqi më shumë vëmendjen dhe solli reagime të shumta në rrjetet sociale, ishte lirimi i Uarda Çotës, 28 vjeçarja që aksidentoi për vdekje djalin e Avenir Pekës. Të shumta ishin reagimet edhe kundër Manjanit, i cili dukej pranë vajzës në momentin që e prisnin jashtë të afërmit me një spektakël duartrokitjesh. “JOQ” ka shpërndarë një foto, ku ironizon veprimin e Manjanit për të amnistuar persona me vepra penale të rënda dhe shumë të diskutuar nga opinioni publik.