Akuza e fortë e Trump për Obamën dhe një gjykatë amerikane

Donald Trump ka akuzuar paraardhësin e tij për përgjim të telefonit të tij një muaj para se ai të zgjidhet presidenti i 45-të i Shteteve të Bashkuara.

Përmes një postimi në Twitter, Trump ka thënë se sapo kishte kuptuar se Obama po përgjonte telefonin e zyrës në Trump Tower.

Ai ka vazhduar duke thënë se gjykata kishte refuzuar kërkesën e bërë për përgjimin.

Presidenti amerikan nuk ka dhënë detaje të tjera lidhur me emrin e gjykatësit apo gjykatës për të cilën referohet në shkrim.

Mediat e huaja kanë raportuar se javën e kaluar FBI ka kërkuar një urdhër nga Gjykata për Inteligjencën e Mbikëqyrjes së  Jashtme (FISA) me qëllim monitorimin e anëtarëve të ekipit të Trump të dyshuar për kontakte të parregullta me zyrtarë rusë.