Dalin fotot lakuriq, Zv.ministrja: Janë thjesht art!

Përpjekjet e Ukrainës për t’u bashkuar me BE-në morën një tjetër ‘impuls’ pasi u publikuan fotot nudo të zëvendësministres së Brendshme, përgjegjësia e së cilës është integrimi europian. Anastasia Deeva është vetëm 24 vjeç. Emërimi i saj u kritikua ashpër në Kiev, pasi u tha se është shumë e re. Por ministri i Brendshëm, Arsen Avakov mbrojti ministren e Integrimit, duke thënë se kritikët e saj ose janë aseksualë, ose janë të fiksuar pas moralit. Ai tha se ato janë foto private dhe janë bërë gjatë kohës kur ajo ishte studente. Ministria ka mohuar zërat se ajo është në lidhje me ministrin e Brendshëm. Ndërkohë vetë vajza e edukuar në Britani thotë se fotot nuk janë porno, por janë artistike.