“Rama ik”, pas protestës shqiptarët e Belgjikës i dërgojnë letër kreut të KE-së, Jean Claude Juncker

Dhjetra shqiptarë protestuan sot në Bruksel para Parlamentit Europian në mbështetje të kërkesave të opozitës për zgjedhje të lira dhe të ndershme. Turma brohoriste vazhdimisht thirrjet “Rama ik”, “Rama ik”, ndërkohë që u përshëndet në Facebook edhe nga kreu i PD-së, Lulzim Basha. Nga ana tjetër disa personalitete të shqiptarëve në Bruksel, i kanë dërguar një letër me nënshkrime kreut të Komisionit Europian, Jean Claude Juncker. Ata i kërkojnë institucionit që ai drejton të mos mbyllë njërin sy përballë një qeverie, që sipas tyre i ka humbur legjitimiteti për të organizuar zgjedhje të lira dhe të ndershme. Më poshtë letra e plotë drejtuar Juncker.