Ambasadori i Shteteve të Bashkuara të Amerikës Donald Lu është shprehur optimist se ky vit do të jetë pozitiv për Shqipërinë.

Sipas ambasadorit Lu, reforma në drejtësi do të përmirësojë edhe klimën e biznesit në vendin tonë.

“Jam realist, shoh që po vijnë gjëra të mira për shqiptarët. 2017 do të jetë vit i shkëlqyer për Shqipërinë. Reforma në drejtësi do të transformojë klimën e biznesit. Byroja e Hetimit do të trajtojë korrupsionin në nivele të larta”, është shprehur ambasadori Lu.

Këto deklarata, Donald Lu i bëri gjatë një aktiviteti të organizuar nga Dhoma Amerikane e Tregtisë.