3 vite nga aneksimi i Krimesë nga Rusia, Mogherini: BE nuk ka për ta pranuar kurrë!

Bashkimi Evropian nuk do të pranojë kurrë aneksimin e Krimesë. Kjo ishte deklarata e dhënë nga Federika Mogherini me rastin e 3-vjetorit të ankesimit. “Bashkimi Evropian përsërit se nuk do të njohë dhe do të vazhdojë të gjykojë këtë shkelje të drejtës ndërkombëtare. Kjo mbetet sfidë direkte për bashkësinë ndërkombëtare me pasoja të rënda për rendin juridik ndërkombëtar, i cili mbron sovranitetin unik të të gjitha shteteve”, ka deklaruar shefja e diplomacisë evropiane, Federica Mogherini.