Presidenti Nishani ka shpallur dekretet për 4 ministrat e rinj. Të enjten pritet që ata të votohen në Parlament. Në faqen online të presidencës janë publikuar dekretet si më poshtë:

Presidenti Nishani dekreton emërimin e ministrit të Mirëqenies Sociale dhe Rinisë, znj. Olta Xhaçka

Presidenti Nishani dekreton emërimin e ministrit të Shtetit për Çështjet Vendore, z. Eduard Shalsi

Presidenti Nishani dekreton emërimin e ministrit të Shëndetësisë, znj. Ogerta Manastirliu

Presidenti Nishani dekreton emërimin e ministrit të Punëve të Brendshme, z. Fatmir Xhafaj

Gjatë këtyre ditëve është debatuar fort mbi figurën e ministrit të ri të Brendshëm, Fatmir Xhafa. PD i kishte kërkuar Nishanit të mos e dekretonte me argumentin se ka torturuar njerëz në diktaturë ku ka punuar si hetues.. Por, gjatë ditës së djeshme, Nishani deklaroi do ta dekretojë Xhafën edhe pse i duket kandidturë e papërshtatshme.

Nishani për Xhafën: “Kam ndjekur me shumë shqetësim debatet e fundit lidhur me propozimin e Xhafaj për Ministër të Brendshëm. Ka pasur dëshmi publike shqetësosese në lidhje me kanditaturën e Ministrit të Brendshëm për ushtrim dhune gjatë procesit hetimor dhe kjo jo vetëm për subjektet që hetohen por edhe ndaj familjarëve.

Në vlerësimin tim kandidatura e tij është e papërshtatshme, por Kushtetuta nuk ia jep të drejtën Presidentit të refuzojë një kandidaturë për ministër, sepse i vetmi kusht është ai i plotësimit të kritereve si deputet. Nëse Kushtetuta do tja njihje këtë të drejtë Presidentit unë do ta refuzoja propozimin”.