Letrat masonike për Luftën III Botërore

Kjo që do ta lexoni është një letër, për të cilën thuhet se Albert Pike ia ka shkruar Giuseppe Mazzinit në vitin 1871, në lidhje me një konspiracion që përfshin tri luftërat botërore, të cilat janë planifikuar me qëllim të marrjes së botës nën kontroll

Letra e Pike-s dërguar Giuseppe Mazzinit ishte e ekspozuar në Biblioteka e Muzeut britanik në Londër, deri në vitin 1977.

Por, përkundër pohimit të shumë faqeve të internetit, Biblioteka britanike në Londër refuzon ta posedojë një letër të tillë.

Giuseppe Mazzini ishte një lider revolucionar italian i mesit të viteve 1800, si dhe udhëheqës i iluministëve.

Albert Pike (figurë historike masonike) është Mjeshtër i madh i rendit të 33-të dhe krijues i juridiksionit jugor të rendit skocez të rendit masonik.

Pasojnë pjesë nga kjo letër, të cilat tregojnë sesi tri luftërat botërore ishin planifikuar me gjenerata të tëra.

E para…

“Lufta e Parë Botërore duhet të bëhet me qëllim që t’ua mundësojë iluministëve marrjen e pushtetit nga carët e Rusisë dhe shndërrimin e këtij vendi në një fortesë të komunizmit ateist. Divergjencat e shkaktuara nga agjenturat e iluministëve midis perandorive britanike dhe gjermane, do të përdoren për ta ushqyer këtë luftë. Në fund të luftës, komunizmi do të forcohet dhe do të përdoret me qëllim të rrëzimit të qeverive të tjera, si dhe për dobësimin e religjioneve”.

E dyta…

“Lufta e Dytë Botërore duhet të nxitet duke përfituar nga dallimet që ekzistojnë midis fashistëve dhe sionistëve. Kjo luftë duhet të zhvillohet me qëllim të shkatërrimit të nazizmit dhe forcimit të sionizmit, aq shumë, saqë të mund të formohet një shtet i pavarur çifut në Palestinë. Gjatë Luftës së Dytë Botërore, komunizmi ndërkombëtar duhet të bëhet aq i fuqishëm, saqë t’i bëjë konkurrencë krishterimit, i cili më pas do të tkurret dhe do të mbahet nën kontroll, derisa do të na duhet për kataklizmin e fundit social”.

Lufta e tretë botërore

“Lufta e tretë duhet të nxitet duke përfituar nga dallimet e shkaktuara nga agjenturat e iluministëve midis sionistëve politikë dhe liderëve të botës islame. Lufta duhet të zhvillohet në atë mënyrë që islamizmi dhe sionizmi politik (shteti i Izraelit) ta shkatërrojnë njëri-tjetrin.

Në ndërkohë, shtetet e tjera, të ndara rreth kësaj çështjeje, do të detyrohen që të luftojnë derisa të sfiliten në aspektin fizik, moral, shpirtëror dhe ekonomik … Do t’i përdorim nihilistët dhe ateistët dhe do ta shkaktojmë një kataklizëm të madh social, i cili me tërë tmerrin e vet, do t’u tregojë qartë kombeve se cilat janë efektet e ateizmit absolut, origjinës së egërsisë dhe trazirave më të përgjakshme.

Më pas gjithandej, qytetarët, të obliguar që ta mbrojnë veten nga një sërë revolucionesh të vogla, do t’i shkatërrojnë këta shkatërrimtarë të civilizimit, dhe masa, e mashtruar me anë të krishterimit, do ta marrin dritën e vërtetë nëpërmes manifestimit të doktrinës së pastër të Luciferit, i cili më pas do të dalë edhe në publik. Rezultat i kësaj do të jetë shkatërrimi i krishterimit dhe ateizmit.