News 24, për herë të parë në krye të listës së preferencës televizive të shqiptarëve

Mbrëmjen e djeshme, kryeministri Rama, kryedemokrati Basha dhe kryeparlamentari Meta ishin të ftuar në studiot e tre televizioneve. Respektivisht, Rama ishte i ftuar në emisionin “Të Paekspozuarit” në News 24, Basha në studion e “Opinion” në TV Klan dhe Meta në “Arena” në Ora News. Oraret e emisioneve ishin të njëjta, duke filluar rreth orës 21:00, pikërisht në kohën e pikut të shikueshmërisë, të njohur ndryshe nga specialistët e fushës edhe si ‘Prime Time’. Për pasojë, Rama-Basha-Meta mbrëmë kishin edhe një “garë” tjetër mbrëmë, përtej asaj politike. Mbrëmë tre liderët ishin në garë për audiencën e shqiptarëve.

Lexo.al bëri një vëzhgim të audiencës së intervistave si në rrjetet sociale (Facebook ku u transmetuan drejtpërdrejtë), ashtu edhe të dhënave nga matjes në kohë reale e audiencës së televizioneve nga Abacus Research që e ofron këtë shërbim që prej Qershorit 2011.

Ajo që bie në sy është diferenca e thellë e Ramës, si në rrjetet sociale dhe në audiencën e televizionit News 24, i cili për të parën herë, del i pari duke lënë pas Top Channel e TV Klan, si edhe Ora News.

Kështu, News 24 arriti një vlerë mesatare shikueshmërie prej 223,625 teleshikuesish (me vlerë rating 95% dhe share 16.89%), ndërsa TV Klan me 180,161 teleshikues (rating 0.03 dhe share 16.05%) dhe Ora News me 124,289 të tillë (rating 5.28% dhe share 9.39%).

Televizioni	Rating Person	Rating %	Share %
News 24	223,625	9.50	16.89
Top Channel	212,491	9.03	16.05
TV Klan	180,161	7.65	13.61
Ora News	124,289	5.28	9.39
Vizion Plus	104,569	4.44	7.90
TVSH	54,397	2.31	4.11

Ndërsa sa i përket audiencës në Facebook deri në orën 10:00 të paradites së sotme, shifrat janë si më poshtë (shih dhe fotot në galerinë e mëposhtme):

Facebook Rama: 200.000 shikues; 1692 shpërndarje; 10.349 pëlqime.