Laboratori i drogës në Skrapar, emrat e të arrestuarve

Dy persona janë arrestuar nga policia si të dyshuar për laboratorin e përpunimit të drogës që u zbulua në Skrapar.

Në pranga kanë rënë shtetasit Muhamet Kadiu 49 vjeç dhe Edlira Lame 42 vjeçe, ndërsa ndiqen në gjendje të lirë S.K, Z.Xh 45 vjeçe dhe A.Ç 51 vjeçe.

Brenda laboratorit u gjetën të mbjella në vazo mbi 2 mijë rrënjë kanabis, si dhe një sasi e tharë. Sipas prokurorisë, laboratori është ndër më modernët të zbuluar deri tani, për përpunimin e lëndës narkotike.