Teksa vetëm pak ditë na ndajnë nga prerja e shiritit të sheshit “Skënderbej”, inaugurimi i të cilit do bëhet dy javë para zgjedhjeve, të shtunën më 10 qershor, aktori Julian Deda ka reaguar ashpër kundër këtij projekti.

Ai na prezanton me “kryeveprën” e Lalit sipas Edit, i karakterizuar nga betoni pafund, pa asnjë rrënjë pemë, pra pa kokërr hije.

Aktori shkruan se në një vend me 250 ditë me diell në vit, duhet të jesh i pashpirt për të bërë një vepër të tillë, referuar këtu kryetarit të Bashkisë së Tiranës.

“Shikojeni pak kete shemtire.
Ky eshte ish-sheshi Skenderbej. Kjo eshte “kryevepra” e Lalit sipas Edit ne keto dy vite ç’drejtim ne krye te Tiranes. Beton pafund, asnje rrenje peme dhe si rezultat nuk do kete kokrren e hijes. Ne nje vend me 250 dite me Diell ne vit, duhet te jesh i pashpirt te besh nje veper te tille. Me pak fjale edhe na mashtruan, dhe na vodhen, kesaj rradhe keq fare.
P.s. Ta gezoni tepsine bosh…!”, shkruan aktori.