Ndërron jetë në moshën 66 vjeçare, aktorja Hajrie Rondo
Aktorja e madhe Hajrie Rondo ka ndërruar jetë sot rreth orës 16:00 në moshën 66 vjeçare në Himarë. Muaj më parë aktorja i ishte nënshtruar një operacioni në kokë. Më herët fitoi luftën e mundimshme me sëmundjen e kancerit. Në daljen e fundit publike aktorja mori çmimin “Simbol i Qytetit” ndërsa preku zemrat e të gjithëve kur rrëfeu mes dhimbjes e forcës luftën me sëmundjen e mundimshme. “I thashë sëmundjes ik tutje se kam pak punë”, u shpreh aktorja duke u kthyer në simbol force e frymëzim për të gjithë. “Shiheni jetën me ngjyra”, këto kanë qenë fjalët që aktorja u ka drejtuar të gjithëve gjatë ceremonisë. Hajrie Rondo është tashmë një aktore me diapazon të gjerë. Ajo ka interpretuar në të gjitha gjinitë. Rondo ka luajtur rreth 120 role në teatër dhe rreth 40 role në filma.
Filmografia
- Ballkan Pazar (2011)
- Ne dhe Lenini (2009), …Semihaja
- Dhimbja e dashurisë (2008) serial
- Tifozët (2004) – (TV),…Frosa
- Borxhliu (1999) – (TV),…Fija
- Dashuri në krisma – (1997) (TV),…Zenepja
- Gjithë fajet i ka paraja – (1996) (TV)
- Pesha e kohës – (1988),…Evanthia
- Një vit i gjatë – (1987),…Donika Saro
- Përrallë nga e kaluara – (1987),…Tana
- Kush vdes në këmbë – (1984),…Lina
- Një emër midis njerëzve-(1983)
- Nëntori i dytë – (1982),…Lima Kepiego
- Agimet e stinës së madhe, – (1981),…Xifja
- Vëllezër dhe shokë – (1980),..Mara.