Basha-thirrje SHBA e BE: Ndalni Ramën, po bën presion ndaj Prokurorisë

Vendimi i mazhorancës për të mos i dhënë të drejtën Prokurorisë të arrestojë ish-ministrin Saimir Tahiri, sipas Lulzim Bashes është shkelje e pastër e kushtetutës. Basha shkon edhe më tej, kur thotë se me vendimin për mbrojtjen e Tahiri, kryeministri goditi drejtësinë dhe procesin e vetingut. Më herët gjatë ditës, kryetari i PD-së iu drejtua me një thirrje të hapur BE e SHBA, si dhe partnereve të tjerë, t’i bëjnë presion Ramës për të ndërprere menjëherë fushatën e kërcënimeve ndaj drejtësisë.