Myftiu i madh kapet me video seksi

Udhëheqësi shpirtëror dha dorëheqjen pas publikimit të një videoje që e paraqiste kryetarin e komunitetit mysliman të vendit duke patur marrëdhënie seksuale me një vajzë shumë më të re, njoftoi gazeta Moscow Times.

Kryemyftiu i Kazakistanit Rakhmatulla-Hajji Egemberdiev mohoi të ketë bërë diçka të keqe duke pretenduar se gruaja në video qe bashkëshortja e tij e dytë. Ai deklaroi se ishte “i pastër para Zotit” për shkak se qe martuar me gruan në Nikah, një ceremoni martese islamike.

Gjithsesi 60 protestues u mblodhën para zyrës së tij me pretendimin se ai ka kryer tradhti, pasi është i martuar me një grua tjetër. Në Kirkizistan martesa me dy gra është e paligjshme. Ndërkohë thuhet se zyrtarë të pasur të qeverisë së vendit e praktikojnë poligaminë ilegalisht.

Hoxha pretendoi se video qe publikuar nga kundërshtarët e tij në qeveri që po përpiqen të marrin nën kontroll kontratat për pelegrinazh në Mekë. Ai është nën hetim me dyshimin se ka shmangur pagesën e taksave dhe ka marrë ryshfet.

Në një deklaratë ai tha: “Dinjiteti im është dëmtuar duke bërë publike jetën time private. Kjo qe diçka çnjerëzore”. Ai është udhëheqësi i gjashtë në rolin e kryemyftiut në më pak se katër vjet. Ky post është paksa problematik në Kirkizistan. Katër kanë dhënë dorëheqjen pas skandaleve korruptive, njëri është rrëmbyer dhe torturuar.