‘Foreign Policy’: Ndarja e Kosovës çon në katastrofë

Revista amerikane, “Foreign Policy” ka publikuar një analizë, në të cilën kundërshton idenë e ndarjes së Kosovës dhe këmbimit të territoreve me Serbinë. Autori Michael Rossi, profesor universitar shkruan se këshillat e këqija për këmbim territoresh dhe transferim të popullsisë nuk do të sjellin paqe. Sipas tij, më shumë ka gjasa të rikthehet gjakderdhja që e kishte pllakosur Ballkanin në vitet ’90

“Ndarja është një mundësi e keqe dhe shumë e rrezikshme, dhe kjo ide prej shumë kohës ka qenë e refuzuar zyrtarisht nga të gjitha palët, për arsye të shumta”, shkruan revista e njohur për shkrimet e saj rreth çështjeve të politikës ndërkombëtare.

“Çdo thirrje për të ri-kufizim kufijsh dhe për të shkëmbyer territorin pothuajse me siguri do të degjenerohej në llojin e dhunës dhe shkëmbimeve kaotike të popullsisë që rrënonte rajonin në vitet 1990”, nënvizon “Foreign Policy” duke shtuar se kjo mund të sjellë luftëra në tokën evropiane.

Më tej media e njohur thekson se ndarja do të shkatërronte vitet e punës nga Shtetet e Bashkuara dhe fuqitë kryesore të Evropës Perëndimore që kanë dhënë imazhin e hartuar me kujdes të Kosovës për një shoqëri multietnike, si dhe përpjekjet për të bindur bashkësitë serbe dhe shqiptare për të jetuar së bashku.

“Marrëveshjet e mbështetura ndërkombëtarisht midis Beogradit dhe Prishtinës për krijimin e autorizimeve të autonomisë për serbët e Kosovës do të digjeshin”.

Edhe autori i kësaj analize mendon se “kërcënimi që sjell korrigjimi i kufijve mund të hapë kutinë e Pandorës në rajon dhe kjo do t’i inkurajonte serbët në Bosnjë dhe shqiptarët në Maqedoni të kërkonin marrëveshje të ngjashme të shkëputjes territoriale dhe bashkimit me të afërmit e tyre etnik”. Nëse kjo do të ndodhte, “Foreign Policy” thotë se bashkësia ndërkombëtare do të detyrohej të ndërhyjë në Ballkan për të ndalur zhvillimet që do pasonin zinxhir.

Partition in Kosovo Will Lead to Disaster