Eva Idrizllari: Pushteti, media, biznesi…

Kur je plotësisht e ndershme, parimore, me karakter dhe moral, në pozicionin si njeri dhe profesioniste, nuk kë frikë ta thuash të vërtetën të plotë, atë që shpesh opinionbërësit e gatuajnë sipas interesit, për çfarë ka ndodhur prej kohësh realisht dhe po ndodh aktualisht në median shqiptare.

Publiku i interesuar ngre shqetësimin për shtypjen e lirisë në media.

Gjithmonë ka patur një shtypje të lirisë, që ka ardhur duke u përkeqësuar nga një despotizëm i skajshëm.

Po pse ndodh kjo?

A mos vallë vetë “media” si instrument i formës së komunikimit nuk i intereson e drejta e lirisë së shprehjes, lirisë së mendimit për të hulumtuar dhe dhënë informacione transparente, objektive, pa ndërhyrjen e autoriteteve të pushtetit?

E vërteta është aq evidente, sado që opinionbërësit i deformojnë, apo i anashkalojnë perceptimet mbi këtë fakt.

E vërteta është se #Pushteti bashkëpunon me #Median, historikisht.

Pikërisht me këtë mision erdhi ndërtimi si instrument biznesi i rrjetit mediatik shqiptar.

#Pushteti & #Media janë bërë për njeri-tjetrin, për të mbajtur njeri – tjetrin.

Kush i kanë mediat?

Klientët e bizneseve, që promovojnë pushtetet në këmbim të privilegjeve dhe përfitimeve publike.

Nëse mediat do të ishin fitimprurëse të pavarura, ato do të ishin edhe luajale në misionin e tyre për një shoqëri demokratike, ku liria e mendimit dhe e fjalës është e rëndësishme për respektimin e të drejtave të njeriut.

Si të tilla, ato do t’i rezistonin çdo shantazhi të autoriteteve të pushtetit.

Por realisht #mediat #janë #në #rol #biznesi #me #pushtetet.

Prej këtej buron gjithe e keqja, që ka “kënetëzuar” gazetarinë e mirëfilltë të vlerave dhe po mbyt lirinë e fjalës.

Kjo është e vërteta. Pikë.