Luan Rama: Homazh dhe nderim për presidentin francez Jacques Chirac!

Homazh dhe nderim për presidentin francez Jacques Chirac që në gjurmët e gjeneralit Charles De Gaulle ia kushtoi jetën e tij politike Francës. Homazhi i popullit francez dhe i gjithê klasës politike franceze dëshmon qartë për largpamësinë, përkushtimin dhe kurajon e madhe të një prej politikanëve të shquar të shekullit XX. Kujtimet e mia për të, sado periferike të duken, janë të çmuara, veçanërisht gjatë prezantimit të Letrave Kredenciale në Pallatin e Elizesë dhe më shumë gjatë Luftës së Kosovës. Kam shkëputur këtu një kapitull tê shkurtêr nga libri im “Nën hijen e eklipsit” kushtuar Kosovës dhe angazhimit të Francës, çka hedh dritë për vendosmërinë e jashtëzakonshme të presidentit Chirac që krahas aleatëve ti japë fund njëherë e përgjithmonë spastrimit etnik në Kosovën martire…