Laura Skënderas: Dimrit do i vë emër tjetër

 

Dimrit do i vë emër tjetër,

Që tek unë të kthehet çdo fundvit.

Oxhakut tim ta gjejë trishtimin,

Dritares tënde të gjejë marrëzitë.

 

Dimrit do i vë ngjyrë tjetër,

Jam lodhur duke dashur të bardhën.

Udhëve ditës të humbë gjithë puthjet,

Kalldrëmeve natës të gjejë kitarën.

 

Dimrit do i gjej muaj tjetër,

Që më mos më rrëmbejë vjeshtën.

Ti e di tetorët janë gjithë të miat,

Po, dhjetorët, ah… janë gjë tjetër!

 

Dimrin nuk e dua më, le të ikë,

Le të bëhet gjithë qytetit pranverë.

Marrëzitë pastaj të vijnë tek unë,

Ndërsa trishtimet ty të t’i sjellë…