Altin Sh. Kajtazi: NANË

T’gjitha fjalët më shushurimë thuaj

të dëgjoj e gjithë bota

ashtu nanë, më the!

Më hapa t’njomë si ajër ec rrugës

do t’merrish n’kodrën ma t’naltë

ashtu nanë, më the!

As qerpiku mos të trembet nga furfuleja

je kapur nga rrënja e fortë

ashtu nanë, më the!

Shiu po zbret ëmbël, si atë ditë kur ke le

e si sot që je bërë burrë

ashtu nanë, më the!

Sytë zjarr e lotë me djegun

kur afër s’të kam

ashtu nanë, më the!

Pac uratën e Zotit

biri im

ashtu nanë, më the!

01.10.2021