Odise Kote: SHI QË BIE NË KUJTESË

 

Shiu shkruan nëpër gjethe,

markën e parfumit të puthjes

flokëve avull, shpupurisur, lagur.

 

Rrëfen aventurën e syrit të kaftë,

si pulitet dhe ndjek ritmin e gjakut

në lëkurën e qafës.

 

Kumbojnë tinguj violine,

balerinat kërcejnë, rrotullohen

mbi disqe të hollë përqafimesh.

 

Era pëshpërit: Kujdes,

mos i gris, mos i prek

membranat delikate të kujtimeve!!

 

Ëndërr që mbi xham pikturohesh

apo fymë e shiut

që bie në kujtesë –

 

Dēshirë e egër

që kurrē nuk plotësohesh …