Altin Sh. Kajtazi: SHKULM

Qull lagur, muzgjesh i rënë

aty shikimi t’mbet peizazh

nga çdo gjë t’prekur mbet shket

pëlcet lëvozhga s’të le t’flesh!

A mundesh më u largua krejt?

me rinis nga e para, pa mallkim

pa t’mund urrejtja, përbuzja

edhe pse jeta t’rrah si shkulm!

Veç tu t’kqyr me sy

t’kishte folur “Terra”

kalimin andej kah origjinaliteti

t’jep dritë, e ditët plotë dritë seç po ikin!