Cikël poetik nga Lulzim Tafa
SMS
Tung zemër
Diellin e kam afër
Vetëm një metër
Ti, pika e ujit
Që ferrin e shkymë
LUTJE
Kush mundet
Me m’lidh
Ma fort
për Hanen
me
një litar
si mall
që s’këputet
EGOIZËM
Andrra më të bukura
Se unë
Nuk sheh kush
Derisa ti
më fërgon në prush
DIJE
Pasha Zotin
Kam me i fut
Të gjitha fjalët e tua
Në një thes
Dhe kam me ia fal
Një lypsari
KËRCËNIM
Mbaje mend
Akulli ka me u zi
Zjarri ka me u ngri
Krejt ka me u ndërrue
Deti ka me vlue
Marrë nga libri “Shtini n’dhe këto fjalë”.
Please follow and like us: