Altin Sh. Kajtazi: Michelangelo

Në gdhendjen e bebëzave kujdes

le kah lind dielli

prej gurit trupin ia zbulove

buzët terura n’mermer kush i puthi mbasdite vonë

vetëm zogjtë, Michelangelo!

Kush t’skalit ty o gjeni?

dy duar dhe një mendje krijojnë art

t’fshehura në shpirtin tënd që moti

një shall jeshil thurur nga rruzat afër t’rri

dhe këmbët e një engjëlli që luftojnë për të qenë, je ti!